自從上次跟家姐佢地去有機農場買過黎食就上在瘾, 我好少見到係街市有得賣, 就咁炒好落鹽就食得, 乜都唔落最正! 以質地黎講, 我覺得佢同覓菜波菜一樣, 都係高草酸果隻, 最好同一餐唔好食埋豆腐之類嘅食物, 以防食埋食埋會出事.
唔好睇炒埋得咁少, 只係因為我一上碟就食在一半先影, 凍左好似有些少苦味, 同無咁香. 同場加映蒸石斑, 唔知係咪我妹仔脷, 覺得青斑呀, 黃腳立呀, 鱸魚呀果d都好食過佢......
呢樣野我真係從來都無諗過. 的確, 同人比學歷嘅話, 一開始就註定失敗, 因為家下我連high dip. 都未到手, 年紀亦唔細. 能力嘅話如果唔係技術為主嘅行業, 無學歷連埋一齊跟本都變得無價值, 家下d老細多數係睇學歷而唔係睇能力, 更何況能力嘅野唔會咁易係interview睇到, 除非老細要嘅係水怪(吹水嘅能力).
老實講, 做化粧呢家野我只會當興趣玩下, 當成一份工黎做我一d興趣都無, 因為我個人太直, 又唔識刷鞋, 就算有技術都只會攪到自已無生意, 性格決定命連嘛!
雖然無諗過, 但唔知點解硬係好在意呢句說話. 能力呀! 我一直都覺得自己有, 只係去到今時今日, 要阿sir幫手先可以搵到工, 仲要係第二行, 一切要從頭開始都唔係問題, 問題係眼見同期嘅兩位同事, 一個本科畢業, 一個讀緊本科又有經驗, 我開始問自己: 究竟我係度做乜呢?
坦白講, 我的確比較鐘意做account多d, 但係我對account呢行又真係好灰好失望. 家陣做呢行又覺得唔係咁啱自己. 雖然, 我點都會繼續做住先, 因為就快又要交學費, 加上唔想浪費左阿sir幫我嘅好意, 亦唔想浪費左家陣教我做野嘅同事嘅心機. 但係繼續咁落去我又可以點呢? 讀完呢個course就要決定, degree我應該唔會夠錢讀, 考牌嘅話應該考番account related定係家陣做緊嘅呢行呢? 不過考得黎幾十歲年紀大又好難搵野做....... 話唔定, 同事講得啱, 我諗野太複雜啦! 似乎, 唔好諗咁多會好d, 點諗都唔會諗得掂架啦家陣.
]]>你再打黎我會報警, 我好認真講俾你知!
]]>自從上次跟家姐佢地去有機農場買過黎食就上在瘾, 我好少見到係街市有得賣, 就咁炒好落鹽就食得, 乜都唔落最正! 以質地黎講, 我覺得佢同覓菜波菜一樣, 都係高草酸果隻, 最好同一餐唔好食埋豆腐之類嘅食物, 以防食埋食埋會出事.
唔好睇炒埋得咁少, 只係因為我一上碟就食在一半先影, 凍左好似有些少苦味, 同無咁香. 同場加映蒸石斑, 唔知係咪我妹仔脷, 覺得青斑呀, 黃腳立呀, 鱸魚呀果d都好食過佢......
話說, 好耐之前一號買左個好靚嘅珠仔袋, 因為係澳門買番黎嘅關係, 所以一直都無走去買, 因為加埋車馬費可以買多一個, 咁啱我家下做緊果份吊命part time叫我過澳門head office, 嘅然有人出船費, 咁梗係死人都走去買返個啦!
賣袋位大叔真係超級藝術家(連脾氣都係), 不過佢講野又真係好中肯. 全人手造嘅珠仔袋, 若果唔係咁執著, 真係好難做到今時今日. 阿叔仲同我講佢要每日游水keep fit, 若果唔係無精神做落去. 雖然佢加左價, 不過全手製, 比起香港, 都仲係抵好多. 阿叔仲話個袋終身免費維修, 我諗佢檔野一日仲係度, 佢都會整, 不過呢d藝術家做野我梗係覺得充满變數, 唔計呢樣, 山長水遠, 係咪真係有人拎返去整, 真係一個迷.
]]>溫書溫到嘔白泡......見有新野仲即刻玩.....睇黎我就快痴線架啦!
呢個都ok易, 畫面又靚, 最正係網主5月中仲譯埋中文板(雖然係簡體字), 不過game就無分別, 因為無乜字要睇
已經完成兩個結局, 一個係正門脫出, 另一個係狗狗用門通道脫出, 網主隻狗都好聽話好得意
請慢用!
]]>就係咁, 今日主要敗左以下兩個set:
之前睇中moisture veil, 去到試上手個色同質地都ok, 之不過單買要520個大洋, no discount!! out bud呀! 我諗住within 500架嘛! 跟住ba姐姐就好醒目咁介紹左呢set俾我, 470個大洋+一號張咭95折. 抵! 不過若果唔係呀ba姐姐好似識讀心術咁, 一開始就講中我驚變藝技look, 我諗我真係未必會買得咁爽手. 走果陣ba姐姐仲同我地傾左幾句......尖咀SOGO個counter又真係太細左d嘅!
另一set係無心買嘅, 本來想睇下sofina有無好野, 但佢無乜點平, d set又唔啱駛......最重要嘅係之前我用uv cut milk防晒唔防斑, 諗住算數, 點知行到counter前面接左張傳單, 咁又敗左230個大洋......不過有咁多支sample都抵呀! 佢d防曬雖然無sofina咁爽, 唔知係咪因為我大汗, 所以覺得呢隻油d嘅比較好用呢?
綿羊一號去完旅行買俾我嘅手信, 返到屋企等唔切溫書, 即刻就同娘親開左黎食.(註:朱古力係我嘅溫書補品, 大腦閉塞嘅靈藥)
有時簡單嘅野會令人好開心, 一份啱心水嘅禮物, 比起貴野更令人高興(當然啱心水=貴野時當然另當別論.....), 因為送禮物嘅人記得你嘅喜好(or需要), 而唔係將自己認為嘅野強加於你身上. 好似呢盒朱古力咁, 一號只係食牛奶朱古力唔食dark嘅, 所以, 多謝晒! 我會好快食晒佢架啦!
]]>Les Miserables - 悲慘世界, 我一直唔明, 點解香港會譯"孤星淚", 慘嘅何止Cosette一個? 以前, 我好唔鐘意呢套劇, d劇情成套粵語殘片咁...... 果然係要有番咁上下經歷(年紀?!)先可以深入地感受得到佢嘅意思.
一個悲慘媽媽嘅夢, life has killed the dream I dreamed, 好中呢呢句, 只係有夢並唔可以生存, 現實係殘酷嘅, 有夢有能力有勇氣都要睇下你係邊度至得. 如果Susan Boyle係香港嘅話, 佢就算唱得點好都唔會有實現夢想嘅機會, 因為呢度係香港, 君不見只要有樣有運, 無腦無料唱到走晒音都可以出碟開演唱會, 更何況係一個其貌不揚仲要單身嘅47歲阿嬸? 所以, 唔好怪d人去整容, 有部份原因係環境迫成嘅.
好感動嘅表演, 觀眾同主持由卑視到讚嘆, 又有幾多成係因為Susan嘅外表談吐, 將佢定位太低所致呢? 佢簡呢隻歌, 又係咪想表達自己嘅諗法呢?
I dreamed a dream in time gone by
When hope was high,
And life worth living
I dreamed that love would never die
I dreamed that God would be forgiving.
Then I was young and unafraid
When dreams were made and used,
And wasted
There was no ransom to be paid
No song unsung,
No wine untasted.
But the tigers come at night
With their voices soft as thunder
As they tear your hopes apart
As they turn your dreams to shame.
And still I dream he'll come to me
And we will live our lives together
But there are dreams that cannot be
And there are storms
We cannot weather...
I had a dream my life would be
So different from this hell I'm living
So different now from what it seems
Now life has killed
The dream I dreamed.
案例一
前幾日, 跟家姐一家返左大陸玩, 因為姐夫有屋. 點知一到步, 成區停電! 食蕉哥哥話係供電商通知故障....... 姐夫話: 我十幾年都未試過架喎!
好在6點幾整得返好.
當黑指數2
案例二
一大堆人去食飯, 大家食埋同一堆野. 大人細路個個都無事, 剩係我一個因為肥膩得滯疴到九彩....... 話說當年我同朋友食埋同一碟飯, 朋友食到腸胃炎差d入廠, 我一d事都無的說.......
當黑指數3
案例三
搵左咁耐工, 一個interview都未有, 唔通因為我老?
當黑指數4
案例四
今日返學果陣, 同綿羊一號講緊電話, 唔知係咪天雨路滑踏到樹葉, 係樓梯度跣腳, 跌到成個人打直坐左係樓梯度(滑雪式跌法)........ 好彩無一真跣到落底, 更好彩係無直仆落去. 應該只係跌瘀左個八月十五同隻手, 証明到我雖然咖啡癮深, 但仲未去到骨質疏鬆嘅地步.
當黑指數5
天呀! 我究竟做錯左d乜呀? 係嘅話我道歉啦! 唔好再玩啦!
]]>睇得出佢地係一個好開心嘅家庭, 只係, 果位大叔有d可憐. 畢景大庭廣衆, 三唔識七, 咁樣俾老婆同個仔笑(雖然係善意嘅). 不過阿叔真係好野, 完全睇唔出佢情緒上有任何改變, 只係係我幫佢兜完之後, 同我地傾多左計, EQ之高, 的確值得學習.
我唔知呢位大叔做左幾耐會計, 點解呢個年紀, 仔大女大, 先至走去考LCCI. 我只係覺得, 終生學習呢樣野, 其實真係幾恐怖, 尤其係, 你唔係一個鐘意讀書, 又勁耐無讀書嘅人. 當全世界有嘅野你無, 就算幾唔想, 幾唔鐘意你都要去做, 為左保恃自己嘅競爭力, 係田都無得你犂嘅香港, 保住自己個飯碗, 考十次廿次三十次都要考到為止....... 雖然話全世界都係咁, 但我就係覺得咁樣好恐怖.
後生果陣無錢讀, 年紀大左想讀又難左, 所以, 都係趁自己未老人痴呆到讀唔到, 快d做埋份功課, 溫埋d書先. 有時, 諗得太多, 真係無乜益架!
]]>